فیڈرل انویسٹی گیشن ایجنسی (ایف آئی اے) نے اثاثوں کی تحقیقات کے حوالے سے سائرہ انور نامی خاتون کو طلب کرلیا ہے۔
ذرائع کا کہنا ہے کہ ایف آئی اے نے سائرہ انور کو نوٹس جاری کرتے ہوئے مزید تحقیقات کیلئے طلب کرلیا، ذرائع کا کہنا ہے کہ اس طاقتور ترین شخصیت کا تعلق پنجاب کے بہت بڑے سیاسی خاندان سے ہے۔
ذرائع کے مطابق ایف آئی اے نے سائرہ انور کے اثاثوں میں غیر معمولی اضافے اور ان کے نام پر رجسٹرڈ زمینوں میں اضافے پر تحقیقات شروع کردی ہیں۔
FIAنے سائرہ انور کو 3جنوری کو طلب کر لیا
اثاثوں میں غیر معمولی اضافہ۔سائرہ کےنام پر رجسٹرڈ زمینوں سے متعلق تحقیقات کی جائیں گی۔غیر ملکی دوروں کے دوران قیمتی جیولری کی خریداری۔بتائیں اطہر نوید کون ہے؟آپ کے اکاؤنٹ سے رقم کیوں نکلواتا رہا،سائرہ کا پنجاب کی اعلی ٰ تشخصیت سےقریبی رشتہ pic.twitter.com/dasE1q39TY— Naeem Ashraf Butt (@NaeemAshrafBut2) December 31, 2022
ایف آئی اے نے اپنے نوٹس میں سوال کیا ہے کہ بتائیں اطہر نوید کون ہے؟ آپ کے اکاؤنٹ سے رقم کیوں نکلواتا رہا، سائرہ کا پنجاب کی اعلیٰ تشخصیت سے قریبی رشتہ ہے۔
ذرائع کا مزید کہنا ہے کہ حالیہ دور میں سائرہ انور کے اکاﺅنٹ میں کروڑوں روپوں کی ٹرانزکشن کا انکشاف ہوا ہے،سائرہ انور کے غیر ملکی دوروں کے دوران قیمتی جیولری کی خریداری کا بھی نوٹس کیا گیا ہے۔
ذرائع ے مطابق سائرہ انور کا پنجاب میں فرح گوگی کے کردار سے بھی موازنہ کیا جارہا ہے، جس وجہ سے پنجاب کے کرپٹ حلقوں اور طاقتور سرمایہ داروں میں بے چینی شروع ہوگئی ہے۔