لاہور:چیئرمین پی ٹی آئی عمران خان نے فواد چوہدری کے ساتھ روا رکھے گئے برتاؤ کو جنگل کا قانون قرار دے دیا ہے۔
سماجی رابطے کی ویب سائٹ ٹوئٹر پر جاری بیان میں سابق وزیراعظم عمران خان نے کہا کہ فواد چوہدری کیساتھ جو کچھ ہورہا ہے یہ انصاف نہیں جنگل کا قانون ہے، اغوا کرنا،دہشت گرد جیسا سلوک ایک شرمناک عمل ہے۔
عمران خان نے کہا کہ ایف آئی آر پرجسمانی ریمانڈ دے دیا گیا جو ظاہرکرتا ہے کہ غلط ہورہا ہے۔
& terrify us into submission, they have got it all wrong. People are more determined to stand up against this fascism & my Party & I are more resolute than ever before to fight against these fascist forces for democracy, rule of law & justice for our people.
— Imran Khan (@ImranKhanPTI) January 26, 2023
چیئرمین پی ٹی آئی نے اپنے ٹوئٹ میں کہا کہ کچھ لوگوں کا خیال ہے کہ خوف پیدا کرکےخود کو تسلیم کرالیں گےتو غلط ہیں،لوگ اس فسطائیت کےخلاف کھڑے ہونےکیلئے زیادہ پرعزم ہیں۔
انہوں نے مزید کہا کہ ہم جمہوریت اور قانون کی حکمرانی کیلئے پہلےسے زیادہ پرعزم ہیں اور انصاف کیلئے فاشسٹ طاقتوں کےخلاف لڑنےکےلیے پختہ عزم رکھتے ہیں۔
The treatment being meted out to Fawad Ch – being abducted, treated like a terrorist, given physical remand on a sham FIR – shows all that is wrong with Pak today. There is no justice, just law of the jungle. If State & cabal of crooks think they can create an environment of fear
— Imran Khan (@ImranKhanPTI) January 26, 2023
واضح رہے کہ گذشتہ روز توہین الیکشن کمیشن پر جوڈیشل مجسٹریٹ اسلام آباد نے رہنما تحریک انصاف فواد چوہدری کا دو دن کا جسمانی ریمانڈ منظور کیا تھا۔
اس سے قبل لولیس نے پی ٹی آئی رہنما فواد چوہدری کو رات میں ان کی رہائشگاہ سے گرفتار کیا تھا جس کی سی سی ٹی وی فوٹیج بھی منظرعام پر آئی تھی۔
فواد چوہدری نے عدالت میں پیشی کے موقع پر میڈیا سے گفتگو کرتے ہوئے کہا تھا کہ جو مقدمہ ہے اس پر فخر ہے یہی مقدمہ نیلسن منڈیلاپر بھی درج تھا۔