انگلینڈ کے کرکٹر ٹام کرن نے ایلون مسک کی پالیسی پر ناراضی کا اظہار کرتے ہوئے ٹوئٹر چھوڑنے سے قبل سابق پاکستانی شان دار آل راؤنڈر اظہر محمود کی ٹوئٹ شیئر کی ہے۔
پاکستان ٹیم کے سابق کھلاڑی اور بولنگ کوچ اظہر محمود نے 29 جنوری 2023 کو ٹام کرن کے حوالے سے ایک ٹویٹ کیا تھا، جسے انگلینڈ کے بولر نے گزشتہ روز ٹوئٹر چھوڑنے والی پوسٹ سے چند ہی منٹ قبل ری شیئر کیا۔
اظہر محمود نے اپنے ٹوئٹ میں لکھا تھا کہ ’’متھیشا پتیرانا (سری لنکن بولر) اور ٹام کرن نے آج تباہ کن بولنگ کا مظاہرہ کیا، دونوں نے اپنی اعلیٰ درجے کی صلاحیتوں کا مظاہرہ کرتے ہوئے بڑی ہمت اور خود اعتمادی دکھائی!‘‘
My first tweet in what must be years. Too much junk on here never use it. The great man calls however I must respond 😂 also seems a good time to say that I’m super excited to be joining @IsbUnited for this years PSL, I CANNOT WAIT to get to Pakistan for the first time 🇵🇰 🙏🏼💫 https://t.co/tVowGEoEGr
— Tom Curran (@TC59) January 29, 2023
اس ٹوئٹ کو ٹام کرن نے شیئر کرتے ہوئے لکھا کہ وہ ایک سال بعد ٹوئٹر پر آئے اور یہ ان کی پہلی ٹوئٹ ہے۔ ٹام کرن نے ٹوئٹر پر تنقید کرتے ہوئے لکھا کہ یہاں بہت فضول چیزیں ہیں اس لیے میں اسے استعمال نہیں کرتا۔
انھوں نے لکھا کہ ایک عظیم آدمی نے آواز دی ہے تو مجھے اس پر جواب دینا ہی ہوگا، ویسے بھی یہ کہنے کے لیے ایک مناسب وقت ہے کہ میں رواں سال پی ایس ایل (پاکستان سپر لیگ) میں اسلام آباد یونائیٹڈ میں شامل ہونے پر بہت پرجوش ہوں، اور پہلی بار پاکستان جانے کے لیے شدت سے منتظر ہوں۔
یاد رہے کہ ٹام کرن کے بھائی سام کرن کو ایک ماہ قبل آئی پی ایل کی منی نیلامی میں پنجاب کنگز نے 2.25 ملین ڈالر میں خریدا تھا، یہ آئی پی ایل کی نیلامی کی تاریخ میں سب سے زیادہ بولی کا ریکارڈ ہے۔