شوبز انڈسٹری کی معروف اداکارہ عائزہ اعوان کا نیا ہیئر اسٹائل مداحوں کو پسند آگیا۔
فوٹو اور ویڈیو شیئرنگ ایپ انسٹاگرام پر اداکارہ عائزہ اعوان نے تصاویر شیئر کیں جس میں انہیں نئے ہیئر اسٹائل کے ساتھ سیلفی لیتے خوشگوار موڈ میں دیکھا جاسکتا ہے۔
عائزہ اعوان نے پوسٹ شیئر کرتے ہوئے لکھا کہ ’جن چیزوں پر سفر کرتے ہوئے میں سوچتی تھی ان راستوں پر اب چلتی ہوں۔‘ اداکارہ نے پوسٹ میں سیلفی اور نیو ہیئر کا ہیش ٹیگ بھی استعمال کیا۔
انہوں نے چند گھنٹوں قبل یہ پوسٹ شیئر کی جسے ہزاروں کی تعداد میں مداح دیکھ چکے ہیں اور ان کے نئے ہیئر اسٹائل کی تعریف کررہے ہیں۔
عائزہ اعوان سوشل میڈیا پر کافی متحرک رہتی ہیں اور اکثر اپنی تصاویر اور ویڈیوز شیئر کرتی رہتی ہیں جسے ان کے مداح بھی پسند کرتے ہیں۔
اداکارہ اے آر وائی ڈیجیٹل کے ڈرامہ سیریل ’تیرے بنا میں نہیں‘ میں ’تہنیت‘ کا کردار نبھا رہی ہیں۔
واضح رہے کہ سکس سگما پلس کی پیشکش ڈرامہ سیریل ’تیرا بنا میں نہیں‘ میں سینئر اداکار جاوید شیخ کے صاحبزادے شہزاد شیخ (مرتضیٰ)، سونیا حسین (نور)، عائزہ اعوان (تہنیت) مرکزی کردار نبھا رہے ہیں۔ دیگر کاسٹ میں خالد انعم، بشریٰ انصاری، ظہیر لہری، انعم تنویر، فواد جلال، منزہ عارف ودیگر شامل ہیں۔
ڈرامے کی کہانی ماہا ملک نے لکھی ہے جبکہ اس کی ہدایت کاری کے فرائض علی مسعود سعید نے انجام دیے ہیں، پروڈیوسرز ہمایوں سعید اور شہزاد نصیب ہیں۔
’تیرے بنا میں نہیں‘ کی کہانی مرتضیٰ، نور اور تہنیت کے گرد گھومتی ہے جس میں دکھایا گیا ہے کہ کس طرح نور کسی قابل بننے کی خاطر محبت کو ٹھکرا دیتی ہیں جس کے بعد مرتضیٰ کی زندگی میں تہنیت کی آمد ہوتی ہے لیکن نور دونوں کے درمیان تلخیاں پیدا کرنے کی کوشش کرتی ہیں۔