کراچی: صوبہ سندھ میں کرونا ڈیوٹی کرنے والے ویکسی نیٹرز گزشتہ 8 ماہ سے تنخواہوں نہ ملنے پر کراچی پریس کلب کے سامنے محو احتجاج ہیں۔
تفصیلات کے مطابق صوبہ سندھ میں کرونا ڈیوٹی کرنے والے ویکسی نیٹرز گزشتہ 8 ماہ سے تنخواہوں سے محروم ہیں۔
درجنوں ویکسی نیٹرز کراچی پریس کلب کے سامنے تیسرے روز بھی احتجاج کر رہے ہیں، مظاہرین نے ریڈ زون جانے کی بھی کوشش کی جو پولیس نے رکاوٹیں کھڑی کر کے ناکام بنا دی۔
ویکسی نیٹرز کا کہنا ہے کہ آج شام 4 بجے تک تنخواہیں ادا نہ کی گئیں تو وزیر اعلیٰ ہاؤس کا گھیراؤ کریں گے۔
ملازمین نے فوری طور پر تنخواہیں دینے کے ساتھ ساتھ مستقل کرنے کا مطالبہ بھی کیا۔