بھارتی دارالحکومت نئی دہلی میں پانچ منزلہ عمارت دھڑام سے گر گئی جس کی ویڈیو منظرعام پر آگئی ہے۔
بھارتی میڈیا رپورٹس کے مطابق نئی دہلی کے علاقے بھجن پورہ میں پانچ منزلہ عمارت اچانک گر گئی جس کے نتیجے میں متعدد افراد کے زخمی ہونے کی اطلاعات ہیں۔
پولیس حکام کے مطابق 3 بجکر پانچ منٹ پر عمارت گرنے کی اطلاع ملی جس کے بعد ریسکیو حکام کو جائے حادثہ پر روانہ کیا گیا۔
رپورٹ کے مطابق عمارت گرنے کی وجہ فوری طور پر معلوم نہیں ہوسکی ہے۔
ویڈیو کلپ میں عمارت کو گرتے دیکھا جاسکتا ہے کہ جبکہ لوگوں کی چیخ و پکار بھی سنی جاسکتی ہے۔
#WATCH | Delhi: A building collapsed in Vijay Park, Bhajanpura. Fire department present at the spot, rescue operations underway. Details awaited
(Video Source – Shot by locals, confirmed by Police) pic.twitter.com/FV3YDhphoE
— ANI (@ANI) March 8, 2023
بھارتی میڈیا کا بتانا ہے کہ حادثے میں کسی قسم کا کوئی جانی نقصان نہیں ہوا ہے جبکہ زخمیوں کو اسپتال منتقل کردیا گیا ہے، امدادی کارروائیاں جاری ہیں۔