لاہور : چیئرمین پی ٹی آئی عمران خان پر ایک اور مقدمہ درج کرلیا گیا ، مقدمے میں دہشت گردی سمیت 20 دفعات شامل کی گئی ہیں۔
تفصیلات کے مطابق زمان پارک ہنگامہ آرائی کے معاملے پر چیئرمین پی ٹی آئی عمران خان پر مقدمہ درج کرلیا گیا ،مقدمہ نمبر410/23 تھانہ ریس کورس میں درج ہوا۔
مقدمہ ایس ایچ اوریس کورس کی مدعیت میں درج کیا گیا اور اس میں دہشت گردی سمیت 20 دفعات شامل کی گئی ہیں۔
ایف آئی آر میں کہا گیا کہ پی ٹی آئی کے قائدین اور سیکڑوں کارکنان نے عمران خان کی ایما پر سنگین جرائم کئے، عمران خان اور ساتھیوں پرمجرمانہ سازش کی دفعہ بھی لگ گئی جبکہ مقدمے میں کار سرکار میں مداخلت کی دفعہ بھی شامل ہیں۔
ایف آئی آر کے متن میں کہنا ہے کہ پی ٹی آئی کارکنان عوام کیلئے مشکلات اور پریشانی پیدا کرنےکےموجب بنے ، کارکنوں نےپیٹرول بم استعمال کئےاورسرکاری ملاک کونقصان پہنچایا۔
ایف آئی آر کے مطابق کارکنوں کے حملوں میں ڈی آئی جی اسلام آباد سمیت متعدد پولیس اہلکارزخمی ہوئے۔
خیال رہے گزشتہ روزعدالتی آرڈر سے پہلےزمان پارک کئی گھنٹے میدان جنگ بنارہا، کارکن وقفے وقفے سے پولیس اور رینجرزپر پتھراؤ کرتے رہے،غلیلیں چلیں اور پٹرول بم پھینکے گئے۔
پولیس نے آنسوگیس کی شیلنگ کی اور واٹر کینن اور گولیاں چلائی جبکہ عمران خان کے گھر کی چھت پر بھی دھواں نظرآیا۔