ایچ بی ایل پاکستان سپر لیگ 8 کے پہلے ایلیمینیٹر میں آج اسلام آباد یونائیٹڈ اور پشاور زلمی مدمقابل ہوں گی ہارنے والی ٹیم خالی ہاتھ گھر واپس جائے گی۔
اے آر وائی نیوز کے مطابق پاکستان سپر لیگ 8 اپنے اختتامی مرحلے میں داخل ہوچکا ہے۔ پلے آف مرحلے میں آج پہلا ایلیمینٹر اسلام آباد یونائیٹڈ اور پشاور زلمی کے مابین کھیلا جائے گا۔ اس میچ میں ہارنے والی ٹیم ٹورنامنٹ سے باہر اور خالی ہاتھ گھر واپس جائے گی۔
میچ کی فاتح ٹیم کو فائنل تک رسائی کے لیے کل دوسرے ایلیمنیٹر میں دفاعی چیمپئن لاہور قلندرز سے مقابلہ کرنا ہوگا جو گزشتہ روز کوالیفائر میچ میں ملتان سلطانز سے یکطرفہ مقابلے کے بعد شکست سے دوچار ہوئی ہے۔
پی ایس ایل کا یہ اہم ترین میچ آج لاہور کے آج شام قذافی اسٹیڈیم میں شام 7 بجے شروع ہوگا۔ ایونٹ کے تمام میچز اے اسپورٹس پر براہ راست دکھائے جا رہے ہیں۔
رواں ایونٹ میں دونوں ٹیموں نے ایک دوسرے کے خلاف ایک ایک میچ جیت رکھا ہے۔