گلوکار شہزاد رائے نے ایک تصویر شیئر کرکے مداحوں سے مدد مانگی ہے۔
گلوکار شہزاد رائے نے سماجی رابطے کی ویب سائٹ ٹوئٹر پر تصویر شیئر کرتے ہوئے لکھا کہ ’میری شرٹ پر بنی تصویر کسی مشہور پاکستانی شخصیت کی مشابہ ہے لیکن میں اندازہ نہیں کرپارہا کہ یہ کس کی تصویر ہے۔‘
انہوں نے لکھا کہ ’کیا آپ اسے پہچاننے میں میری مدد کرسکتے ہیں؟‘
شہزاد رائے کے سوال پر ٹوئٹر صارفین نے اس شکل کو مختلف شخصیات سے مشابہ قرار دیا ہے۔
The face on my T-shirt looks like a famous Pakistani person, but I can't figure out who it is. Can you help? pic.twitter.com/9lqU0hXgAs
— Shehzad Roy (@ShehzadRoy) March 19, 2023
کسی نے تصویر کو گیمز آف تھرون کے کردار وائٹ واکر سے ملایا تو کسی نے عمران خان قرار دیا تو کوئی شہباز شریف کی تصویر شیئر کرنے لگا۔
شہزاد رائے کی اس تصویر کو ہزاروں کی تعداد میں ویوز حاصل ہوچکے ہیں اور مداح اسے ری ٹوئٹ بھی کررہے ہیں۔