اسلام آباد : اسلام آباد ہائی کورٹ نے توشہ خانہ کیس میں چیئرمین پی ٹی آئی عمران خان کے وارنٹ منسوخی کی درخوست غیرموثر قرار دے دی۔
تفصیلات کے مطابق اسلام آباد ہائیکورٹ کے چیف جسٹس عامر فاروق نےتوشہ خانہ کیس میں عمران خان کے وارنٹ منسوخ کرنے کی درخواست پرسماعت کی۔
عمران خان کے وکیل خواجہ حارث اور بیرسٹر گوہر پیش ہوئے ، چیف جسٹس نے عمران خان کی سیشن عدالت کے فیصلے کیخلاف درخواست غیر موثر قرار دے دی۔
چیف جسٹس عامرفاروق نے عمران خان کی حاضری کی فائل گم ہونے سے متعلق آئی جی اسلام آباد اور ٹرائل کورٹ سے دس روز میں رپورٹ طلب کرلی۔
عدالت نے کیس کی سماعت سات اپریل تک ملتوی کردی گئی، عمران خان نے بیان حلفی تسلیم نہ کرنے سے متعلق سیشن کورٹ کا فیصلہ چیلنج کیا تھا۔
سیشن عدالت نے عمران خان کے جوڈیشل کمپلیکس آمد پروارنٹ منسوخ کردیے تھے۔