راولپنڈی : سابق وزیر داخلہ شیخ رشید کا کہنا ہے کہ آئی ایم ایف کی3میٹنگز ناکام ہو گئی ہیں، پیٹرول کی سبسڈی کا ڈرامہ بھی واپس لے لیا گیا ہے۔
تفصیلات کے مطابق سابق وزیر داخلہ شیخ رشید نے سماجی رابطے کی ویب سائٹ ٹوئٹر پر اپنے بیان میں کہا ہے کہ پاکستان میں کٹھ پتلی تماشا لگا ہوا ہے ملک منجدھار میں پھنس گیا ہے، 13کا ٹولہ تباہی اوربربادی کی علامت بن گیا ہے۔
شیخ رشید کا کہنا تھا کہ آئی ایم ایف اور دوست ممالک سب کی طرف سےجھنڈی ہے، آئی ایم ایف کی3میٹنگز ناکام ہو گئی ہیں، پیٹرول کی سبسڈی کا ڈرامہ بھی واپس لے لیا گیاہے، اشرافیہ موج کرے گی اورغریب ایڑیاں رگڑ رگڑکر مرجائے گا۔
پاکستان میں کٹھ پتلی تماشہ لگا ہوا ہے۔ ملک منجدھار میں پھنس گیا ہے۔13کا ٹولہ تباہی اوربربادی کی علامت بن گیا ہےIMFاور دوست ممالک سب کی طرف سے جھنڈی ہےIMFکی3میٹنگز ناکام ہو گئی ہیں۔پیٹرول کی سبسڈی کا ڈرامہ بھی واپس لے لیا گیاہے۔اشرافیہ موج کرے گی اورغریب ایڑیاں رگڑ رگڑ کر مرجائےگا
— Sheikh Rashid Ahmed (@ShkhRasheed) March 23, 2023
سابق وزیر داخلہ نے ایک اور ٹوئٹ میں لکھا الیکشن کمیشن کےفیصلے نے آئینی بحران پیدا کر دیا ہے، آئین واضح ہے 90 دن کے اندر الیکشن ہوں گے ، سپریم کورٹ کا امتحان ہے بہروپیوں کی غیرآئینی حکومت کو چلنے دیتی ہے یا آرٹیکل 6 لگاتی ہے۔
ان کا مزید کہنا تھا کہ چیف جسٹس کہہ چکے ہیں شفاف انتخابات میں بدنیتی ہوئی تومداخلت کریں گے ، نگران حکومت کی اب کوئی حیثیت نہیں۔