ایم کیو ایم پاکستان نے مردم شماری کے حوالے سے اپنے تحفظات سے وزیراعظم کو آگاہ کر دیا۔
تفصیلات کے مطابق وزیرِاعظم محمد شہباز شریف سے متحدہ قومی موومنٹ کے اعلی سطح وفد نے ملاقات کی جس میں ایم کیو ایم کے کنوینر خالد مقبول صدیقی، وفاقی وزیرِ انفارمیشن ٹیکنالوجی امین الحق، وفاقی وزیر سردار ایاز صادق بھی شریک ہوئے۔
ملاقات میں متحدہ کے ممبران نے وزیرِاعظم کو قومی اسمبلی میں سپریم کورٹ پریکٹس اینڈ پروسیجر بل کی منظوری پر مبارکباد دی۔
وزیرِ اعظم شہباز شریف سے متحدہ قومی موومنٹ کے اعلیٰ سطحی وفد کی ملاقات
ملاقات میں متحدہ قومی موومنٹ کے ممبران نے وزیرِ اعظم کو قومی اسمبلی میں سپریم کورٹ پریکٹس اینڈ پروسیجر بل کی منظوری پر مبارکباد پیش کی۔ pic.twitter.com/ucRXHSZ40m
— Government of Pakistan (@GovtofPakistan) March 29, 2023
وفد نے وزیرِاعظم کو مردم شماری کے حوالے سے اپنے تحفظات اور کراچی کے مسائل کے بارے آگاہ کیا جس پر وزیرِاعظم نے متحدہ کے تمام تحفظات کو دور کرنے اور ان کے مسائل کے حل کی فوری ہدایات جاری کیں۔