سپریم کورٹ کی جانب سے الیکشن کمیشن کا 22 مارچ کا انتخابات ملتوی کا فیصلہ کالعدم قرار دیے جانے پر پی ٹی آئی رہنماؤں نے اپنے ردعمل کا اظہار کیا ہے۔
اے آر وائی نیوز کے مطابق سپریم کورٹ کی جانب سے الیکشن کمیشن کا 22 مارچ کا فیصلہ کالعدم قرار دیے جانے اور الیکشن شیڈول معمولی ردوبدل کے بعد بحال کیے جانے کا فیصلہ سنائے جانے کے بعد پی ٹی آئی رہنماؤں نے سماجی رابطوں کی ویب سائٹ ٹوئٹر پر اپنے ردعمل کا اظہار کیا ہے۔
پی ٹی آئی کے مرکزی سیکریٹری اطلاعات اور سابق وفاقی وزیر فواد چوہدری نے اپنے ٹوئٹ میں لکھا ہے کہ قوم کو آئین کی فتح مبارک ہو، سپریم کورٹ کا فیصلہ ہر پاکستانی شہری کے حقوق کا فیصلہ ہے۔
قوم کو آئین کی فتح مبارک ! سپریم کورٹ کا فیصلہ ہر پاکستانی شہری کے حقوق کا فیصلہ ہے۔۔
— Ch Fawad Hussain (@fawadchaudhry) April 4, 2023
انہوں نے اپنے ایک اور ٹویٹ میں لکھا کہ چیف جسٹس عمر عطا بندیال آج عوام کے چیف جسٹس بن گئے ہیں۔ وہ بے پناہ دباؤ کے کیخلاف ڈٹے رہے اور تمام غیر قانونی مطالبات کو ٹھکرا کر خود کو باہمت آدمی ثابت کیا۔ قوم سپریم کورٹ کو سلام پیش کرتی ہے۔
J Bandial has become People’s Chief Justice today….. he stood tall against immense pressure rejected all illegal demands and proved a man of substance … Nation Salutes SC #NationStandswithCJP #NationStandswithConstitution
— Ch Fawad Hussain (@fawadchaudhry) April 4, 2023
پی ٹی آئی کے مرکزی رہنما اسد عمر نے اپنے ٹویٹ میں عدالت عظمیٰ کے فیصلے پر تبصرہ کچھ ان الفاظوں میں کیا کہ آئین سے انحراف کی کوشش مسترد، نظریہ ضرورت مسترد، پاکستان زندہ باد۔
آئین سے انحراف کی کوشش مسترد۔ نظریہ ضرورت مسترد۔ پاکستان زندہ باد
— Asad Umar (@Asad_Umar) April 4, 2023
حماد اظہر نے فیصلے پر کہا کہ سپریم کورٹ نے آئین کو بحال کر کے جمہوریت کو بچا لیا۔ یہ جمہوریت اور آئین کی فتح ہے۔ آئین کے دائرے میں رہتے ہوئے اس فیصلے کے علاوہ کوئی اور فیصلہ ممکن نہیں تھا۔ سیاسی جماعتیں میدان سے بھاگتی نہیں۔ پی ڈی ایم بھی جمہوری عمل کا حصہ بنے۔
سپریم کورٹ نے آئین کو بحال کر دیا اور جمہوریت کو بچا لیا۔
قانون اور آئین کے دائرے میں رہتے ہوئے اس فیصلے کے علاوہ کوئی اور فیصلہ ممکن بھی نا تھا۔
سیاسی جماعتیں میدان سے بھاگتی نہیں۔ پی ڈی ایم بھی جمہوری عمل کا حصہ بنیں۔ یہ جمہوریت اور آئین کی فتح ہے۔— Hammad Azhar (@Hammad_Azhar) April 4, 2023
سینیٹر فیصل جاوید نے لکھا کہ سپریم کورٹ کے فیصلے کے بعد قوم مبارکباد کی مستحق ہے۔ انہوں ںے سیاسی مخالفین کو مخاطب کرتے ہوئے کہا کہ ایک سال ہوگیا یہ قوم حقیقی آزادی کی جدوجہد میں ہے۔ آؤ اب سیاسی میدان میں مقابلہ کرو۔
عثمان ڈار نے لکھا کہ الحمدللہ آج آئین جیت گیا اور آئین شکن ہار گئے۔ پاکستانیو، الیکشنز کی تیاری شروع کرو حق کی فتح، انشاللہ۔
الحمد للّه۔ آئین جیت گیا۔ آئین شکن ہار گئے۔ پاکستانیو! الیکشنز کی تیاری شروع کرو۔ حق کی فتح۔ ان شاء اللّه pic.twitter.com/DaV8tmuORb
— Usman Dar (@UdarOfficial) April 4, 2023
سابق وفاقی وزیر اور پی ٹی آئی سندھ کے صدر علی زیدی نے لکھا کہ آج کا سپریم کورٹ کا فیصلہ بلاشبہ آئین کی فتح ہے جو قانون کی حکمرانی کے اصول کو بھی برقرار رکھتا ہے۔ فیصلے سے عوام کی جیت اور نظریہ ضرورت کو عبرتناک شکست ہوئی۔ آئین وقانونی نظام کی حکمرانی زندہ باد، پاکستان زندہ باد۔
مسرت چیمہ نے اپنے ٹویٹ میں کہا کہ ایک اور سازش ناکام ہوئی۔ ن لیگ، چیف آرگنائزر اپنے والد کی طرح اب الیکشن سے بھاگنا مت۔ آؤ ہمت کرو اور میدان میں ہمارا مقابلہ کرو۔
پی ٹی آئی رہنما حسان خاور نے لکھا کہ جمہوریت اور عوام کی آواز کو کوئی نہیں روک سکتا۔ سپریم کورٹ نے آئین کو بحال کر دیا، قوم کو فتح مبارک ہو۔ ملک اب ان شااللہ انتخابات کی جانب بڑھے گا۔