پشاور : سوات کے ضلع کبل میں تھانہ سی ٹی ڈی میں دھماکے کی تحقیقات کے لئے 2 رکنی فیکٹ فائنڈنگ کمیٹی تشکیل دے دی گئی، کمیٹی تحقیقاتی رپورٹ پیش کرے گی۔
تفصیلات کے مطابق سوات کے ضلع کبل میں تھانہ سی ٹی ڈی میں دھماکے پر 2 رکنی فیکٹ فائنڈنگ کمیٹی تشکیل دے دی گئی اور نوٹیفکیشن جاری کردیا گیا۔
نوٹیفکیشن میں بتایا گیا کہ سیکریٹری داخلہ کے پی اور ایڈیشنل آئی جی اسپیشل برانچ کمیٹی میں شامل ہیں،
دو رکنی کمیٹی کو دھماکے کے حوالے سےتحقیقاتی رپورٹ دینے کی ہدایت کردی گئی ، چیف سیکرٹری خیبرپختونخوا نے کہا ہے کہ جامع رپورٹ تیار کرکے پیش کی جائیں۔
دوسری ریسکیو 1122 کا کبل سی ٹی ڈی تھانے میں دھماکےکی جگہ پر سرچ اینڈریسکیوآپریشن جاری ہے، اسپتال رپورٹ کے مطابق 17 افرادشہید اور 51 زخمی ہوئے۔
ریسکیوٹیموں نےزخمیوں کوکبل اورسیدو شریف اسپتال منتقل کیا جبکہ شدیدجھلسے ہوئے زخمیوں کو پشاور برن سینٹر منتقل کیا، 100 سے زائد اہلکار اور ہیوی مشینری ریسکیو آپریشن میں حصہ لےرہےہیں، ملبہ کلیئر کرنے تک آپریشن جاری رہےگا۔
خیال رہے سوات کے تھانہ سی ٹی ڈی کبل میں یکے بعد دیگرے دو دھماکوں کے نتیجے میں ایک درجن سے زائد افراد لقمہ اجل بنے اور ستر زخمی ہوئے۔ ابتدائی تحقیقات میں پولیس کو دہشت گردی کے شواہد نہیں ملے پولیس ، حکام کا کہنا تھا دھماکا سی ٹی ڈی کی پرانی عمارت میں ہوا، جہاں اسلحہ اور مارٹر گولے رکھے تھے۔