اقوام متحدہ کے عالمی موسمیاتی ادارے ڈبلیو ایم او نے پیشگوئی کی ہے کہ رواں سال دنیا کے لیے اگلے پانچ سال انسانی تاریخ کے گرم تین سال ثابت ہوسکتے ہیں۔
غیر ملکی میڈیا کے مطابق ڈبلیو ایم او نے دنیا کو متنبہ کیا ہے کہ گرین ہاؤس گیسوں سے کرہ ارض کے درجہ حرارت میں مسلسل اضافہ ہو رہا ہے جس کی وجہ سے 2023 سے 2027 تک کا دورانیہ انسانی تاریخ کا گرم ترین ہوسکتا ہے۔
ادارے نے کہا کہ ماہرین نے عالمی درجہ حرارت کے حوالے سے جو حد رکھی تھی اب اس سے تجاوز ہونے والا ہے اور اس بات کا 98 فیصد امکان ہے کہ اگلے پانچ سالوں میں درجہ حرارت تاریخ کی بلند ترین سطح پر ہوگا۔
واضح رہے کہ اب تک ریکارڈ کیے گئے گرم ترین 8 سال 2015 اور 2022 کے درمیان تھے لیکن موسمیاتی تبدیلیوں میں تیزی کے ساتھ درجہ حرارت میں مزید اضافے کی پیش گوئی ہے۔