بنگلادیش اور افغانستان کی تینوں فارمیٹس پر مشتمل سیریز میں میچز کو کم کر دیا گیا۔
بنگلا دیش کے کرکٹ بورڈ نے کہا کہ ایشیا کپ اور ورلڈ کپ سے قبل کھلاڑیوں پر بوجھ کم کرنے کے لیے میچز میں کٹوتی کی گئی ہے۔
افغانستان کو جون میں بنگلا دیش دورے کے دوران دو ٹیسٹ، تین ایک روزہ اور تین ٹی ٹوئنٹی بین الاقوامی میچوں کی سیریز کھیلنی تھی۔
لیکن بورڈ نے کہا کہ مہمان ٹیم اب جون اور جولائی میں دو مرحلوں میں صرف ایک ٹیسٹ، تین ون ڈے اور دو ٹی ٹوئنٹی کھیلے گی۔
کرکٹ آپریشنز کے سربراہ جلال یونس نے اے ایف پی کو بتایا وہ تمام میچز کھیلنے کے خواہشمند تھے لیکن کھلاڑیوں کو تھکاوٹ سے بچانے کے لیے کچھ میچ کم کرنے پڑے۔
انہوں نے کہا یہ ورلڈ کپ کا سال ہے، اور ہمارے پاس ایشیا کپ بھی آنے والا ہے لہذا ہم نے محسوس کیا کہ ہمیں کھلاڑیوں کو تازہ دم رکھنے کی ضرورت ہے۔”
افغانستان ٹیم 14 سے 18 جون تک ٹیسٹ کھیلے گی جس کے بعد عید الاضحیٰ کے تہوار کے لیے وطن واپس جائے گی اور پھر 18 جولائی تک چٹاگانگ اور سلہٹ میں سیریز مکمل کرنے کے لیے واپس آئے گی۔