کراچی: جناح اسپتال کی سابق ایگزیکٹو ڈائریکٹر ڈاکٹر سیمی جمالی انتقال کرگئیں۔
اے آر وائی نیوز کے مطابق ڈاکٹر اے آر جمالی نے جناح اسپتال کی سابق ایگزیکٹو ڈائریکٹر ڈاکٹر سیمی جمالی کے انتقال کی اطلاع دی، وہ گزشتہ دنوں سے نجی اسپتال میں زیر علاج تھیں۔
ڈاکٹر سیمی جمالی کی نمازجنازہ کل بعدنماز عصر جےپی ایم سی مسجدمیں ادا کی جائے۔
گزشتہ دنوں شوہر اے آر جمالی نے اپنے بیان میں بتایا تھا کہ ڈاکٹر سیمی جمالی کو طبیعت خراب ہونے پر نجی اسپتال خود لایا تھا۔
سال 2021 میں ڈاکٹر سیمی جمالی کو بطور جناح اسپتال کی ڈائریکٹر کورونا وبا کے دوران اپنی فرائض منصبی بہترین انداز میں سنبھالنے پر ’گلوبل ہیروز قرار‘ دے دیا گیا تھا۔
امریکی جریدے این پی آر نے کورونا وبا کے ایک سال مکمل ہونے پر عالمی وبا سے نبرد آزما شخصیات کی فہرست جاری کی تھی۔ پاکستان کیلیے بڑا اعزاز یہ تھا کہ ڈاکٹر سیمی جمالی کو بھی اس فہرست میں شامل کیا گیا تھا۔
جریدے نے ان کی خدمات کو عالمی سطح پر سراہا اور لکھا تھا کہ جان لیوا مرض کا شکار ہونے کے باوجود وہ کووڈ 19 کے دوران اپنے فرائض منصبی سر انجام دیتی رہیں۔