سندھ کے شہر حیدرآباد میں تیز بارش اور ژالہ باری سے موسم خوشگوار ہوگیا۔
اے آر وائی نیوز کے مطابق حیدرآباد اور گردونواح میں آندھی اور طوفانی ہواؤں کے ساتھ بارش ہوئی جبکہ لطیف آباد کے کچھ علاقوں میں اولے بھی پڑنے کی اطلاعات سامنے آئی ہیں۔
موسلا دھار بارش کے باعث حیدرآباد کراچی موٹر وے پر حد نگاہ کم ہوگئی تھی۔
🛑تازہ ترین: پیشگوئی کے عین مطابق حیدرآباد، کوٹری، جامشورو میں تیز ہواوُں کے ساتھ موسلا دھار بارش اور ژالہ باری… pic.twitter.com/53A9FkQ1X9
— PakWeather.com (@Pak_Weather) May 30, 2023
قاسم آباد میں آندھی کا طوفان رہا جبکہ لطیف آباد اور دیگر علاقوں میں چند منٹ کی بارش سے سڑکوں پر پانی جمع ہوگیا جس کے باعث شہریوں کو مشکلات کا سامنا ہے۔
انتظامیہ کی جانب سے نالوں اور گٹروں کی صفائی کا عمل نہ ہوسکا ہے۔
علاقہ مکینوں نے اعلیٰ حکام سے اپیل کی ہے کہ شہر میں ہونے والی بارشوں کے پیش نظر صفائی کا عمل بہتر بنایا جائے۔