اسلام آباد: وفاقی دارالحکومت اسلام آباد میں موجود راول ڈیم میں زہریلا کیمیکل چھوڑنے سے ہزاروں مچھلیاں مر گئیں۔
اے آر وائی نیوز کے مطابق راول ڈیم میں زہریلا کیمیکل چھوڑنے سے ہزاروں مچھلیاں اور سینکڑوں کی تعداد میں پرندے مر گئے، ڈیم کے قریب سے دو مشتبہ افراد کو گرفتار کرلیا گیا ہے۔
ذرائع کا بتانا ہے کہ مچھلیاں مرنے کے بعد مارکیٹ میں فروخت کی جانی تھی۔
راول ڈیم واقعے کا مقدمہ تھانہ سیکریٹریٹ میں درج کر لیا گیا۔ راول ڈیم میں کرنٹ اور گرنیڈ کے ذریعے مچھلیوں کو مارنے کے پہلے بھی واقعات ہو چکے ہیں۔
یاد رہے کہ اس سے قبل بھی نامعلوم افراد کی جانب سے ڈیم کے پانی کو زہر آلود کر کے مچھلیوں کو مارا جاچکا ہے جبکہ راول ڈیم سے راولپنڈی کے 40 لاکھ سے زائد شہریوں کو پینے کا پانی فراہم کیا جاتا ہے۔