گوجرانوالہ : پولیس نے سابق وزیراعلیٰ پرویزالہیٰ کےمیڈیا کوآرڈینیٹر اور قریبی دوست کو احاطہ عدالت سے گرفتار کرلیا گیا۔
تفصیلات کے مطابق گوجرنوالہ پولیس نے سابق وزیراعلیٰ پرویزالہیٰ کے ترجمان چوہدری اقبال کو احاطہ عدالت سے گرفتار کرلیا،
چوہدری اقبال پرویزالہی کی پیشی کےسلسلےمیں گوجرانوالہ سیشن کورٹ پہنچے تھے۔
پولیس نے پرویزالہٰی کےقریبی دوست خواجہ وقارکو بھی احاطہ عدالت سےحراست میں لے لیا اور دونوں کو اپنے ساتھ لے گئی۔
خیال رہے اینٹی کرپشن پولیس آج پی ٹی آئی کے مرکزی صدر پرویز الٰہی کو آج عدالت میں پیش کرے گی جہاں ان کے جسمانی ریمانڈ کی استدعا کی جائے گی۔
واضح رہے گذشتہ روز سابق وزیراعلیٰ پنجاب کو گجرات ترقیاتی منصوبہ کرپشن کیس میں بریت کے بعد اینٹی کرپشن نے گوجرانوالہ میں درج مقدمے میں گرفتار کیا تھا۔