واشنگٹن : امریکی رکن کانگریس میکسین واٹر نے پاکستان کو قرض فراہمی کے حوالے سے جاری مذکراتی عمل تیز کر نے کے آئی ایم ایف کو خط لکھنے کی یقین دہانی کرادی۔
تفصیلات کے مطابق امریکی رکن کانگریس میکسین واٹر نے ڈیموکریٹک رہنما طاہر جاوید کے ظہرانے میں گفتگو کرتے ہوئے کہا کہ امریکا کو پاکستانی سیاست میں ملوث ہونے کے بجائے مستحکم جمہوریت کے قیام میں کردار ادا کرنا چاہیے۔
میکسین واٹرز نے پاکستان کو قرض فراہمی کے حوالے سے جاری مذکراتی عمل تیز کر نے کے آئی ایم ایف کو خط لکھنے کی یقین دہانی بھی کرائی۔
یاد رہے امریکی ڈیموکریٹک رکن کانگریس الہان عمر نے پاکستان آئی ایم ایف مذاکراتی عمل کے حل کی ضرورت پر زور دیتے ہوئے آئی ایم ایف کی مینجنگ ڈائریکٹر کے نام خط لکھ دیا۔
تفصیلات کے مطابق امریکی ڈیموکریٹک رکن کانگریس الہان عمر نے آئی ایم ایف کی مینجنگ ڈائریکٹر کے نام خط لکھا تھا ، جس میں آئی ایم ایف اور پاکستان کے درمیان جاری مذاکراتی عمل کے حل کی ضرورت پر زور دیا تھا۔
الہان عمر نےخط میں باور کرایا تھا کہ پاکستان مین کورونا وائرس اورپھر بدترین سیلاب میں لاکھوں لوگ بے گھر اور در بدر ہوگئےاور پاکستانی معیشت عدم استحکام کے خطرے سے دوچار ہے۔
رکن کانگریس کا کہنا تھا کہ پاکستان بجا طور پر علاقائی اور عالمی اقتصادی نظام میں اہمیت کا حامل ہے اور دنیا بھر میں متعدد ممالک کا اہم اقتصادی شراکت دار بھی ہے ہم سب پاکستان کے لئے پائیدار اقتصادی بحالی کی خواہش رکھتے ہیں۔