وزیر اعظم شہباز شریف نے توانائی شعبے کی اصلاحات کو بجٹ کا حصہ بنانے کا فیصلہ کیا ہے۔
تفصیلات کے مطابق وزیراعظم شہباز شریف کی زیر صدارت توانائی شعبے سے متعلق بجٹ تجاویز پر اجلاس ہوا جس میں وفاقی وزراء اسحاق ڈار، خواجہ آصف،خرم دستگیر، مریم اورنگزیب نے شرکت کی
اس موقع پر وزیراعظم نے کہا کہ مہنگے درآمدی ایندھن پر انحصار کم کرکےمرحلہ وار متبادل ذرائع سےنئے منصوبے شروع کئےجائیں۔
وزیر اعظم نے آئندہ بجٹ میں لائن لاسز، بجلی چوری کے سد باب کیلئے مؤثر اقدامات شامل کرنے اور وِنڈ اور شمسی توانائی کے منصوبے شامل کرنے کی ہدایت کہ۔
انہوں نے کہا کہ بجلی کے لائف لائن اور کم کھپت والے صارفین پر بلوں کا کم سے کم بوجھ ڈالا جائے پاور ٹرانسمیشن کے منصوبوں کی جلد تکمیل یقینی بنائی جائے ملک بھر میں جاری سولرآئیزیشن کے منصوبوں کی رفتار کو تیز کیا جائے۔
وزیراعظم کا کہنا تھا کہ برآمدی صنعتوں کی ترجیحی بنیادوں پر توانائی کی ضروریات پوری کی جائیں بجٹ میں پن بجلی کے جاری منصوبوں کی جلد تکمیل کو ترجیح دی جائے۔