قومی کرکٹر شعیب ملک کی اہلیہ و سابق بھارتی ٹینس اسٹار ثانیہ مرزا کی نئی تصاویر سوشل میڈیا پر وائرل ہوگئیں۔
فوٹو اور ویڈیو شیئرنگ ایپ انسٹاگرام پر قومی کرکٹر شعیب ملک کی اہلیہ ثانیہ مرزا نے نئی تصاویر شیئر کیں جس میں انہیں گلابی رنگ کے لباس میں خوشگوار موڈ میں دیکھا جاسکتا ہے۔
ثانیہ مرزا نے تصاویر شیئر کرتے ہوئے کیپشن میں لکھا کہ ’دی فائنل لُک۔‘ اور آنکھوں، گلابی پھول کی ایموجیز بھی بنائیں۔
انہوں نے گزشتہ دنوں یہ تصاویر شیئر کیں جسے ہزاروں کی تعداد میں مداح دیکھ چکے ہیں اور اس پر اپنی رائے کا اظہار بھی کررہے ہیں۔
واضح رہے کہ ثانیہ مرزا سوشل میڈیا پر کافی متحرک رہتی ہیں، وہ اکثر مزاحیہ ویڈیوز اور بیٹے اذہان مرزا ملک کے ساتھ تصاویر شیئر کرتی رہتی ہیں جسے ان کے مداح بھی پسند کرتے ہیں۔
اس سے قبل بھی ثانیہ مرزا نے بیٹے اذہان کے ساتھ تصاویر شیئر کی تھیں جو وائرل ہوگئی تھیں۔
یاد رہے کہ شعیب ملک اور ثانیہ مرزا 12 اپریل 2010 میں شادی کے بندھن میں بندھے تھے۔ کھیلوں کی دنیا کی اس جوڑی کا ایک بیٹا اذہان مرزا ملک ہے۔