مصر کے سمندر میں شارک نے گرل فرینڈ کے سامنے روسی لڑکے کو نگل لیا جس کی ویڈیو سوشل میڈیا پر وائرل ہوگئی۔
غیرملکی خبررساں ادارے کی رپورٹ کے مطابق 30 سالہ سیاح لڑکا اپنی گرل فرینڈ اور والد کے ساتھ مصر چھٹیاں منانے گیا تھا۔
ویڈیو میں دیکھا جاسکتا ہے کہ روسی نوجوان کنارے پر تیراکی کررہا ہے اچانک ٹائیگر نسل کی شارک نے حملہ کرکے اسے نگل لیا۔
ریکارڈ ویڈیو میں روسی شخص کو مدد کیلئے ’ڈیڈ ڈیڈ ‘چلاتے ہوئے سنا جاسکتا ہے لیکن سمندر کا پانی سرخ ہونے پر یہ آوازیں بھی بند ہو جاتی ہیں۔
recent shark shark in egypt pic.twitter.com/xvO0xIGJNn
— clips that go hard (@clipsthatgohard) June 8, 2023
رپورٹ کے مطابق حادثے کے وقت پوپو کی گرل فرینڈ بھی سمندر میں موجود تھی لیکن وہ سمندر سے نکلنے اور اپنی جان بچانے میں کامیاب رہی۔
ساحل پر موجود افراد نے اس خوفناک منظر کو ریکارڈ کیا لیکن ریسکیو عملہ کوشش کے باوجود اس شخص کی جان نہ بچا سکا، لاش کے ایک حصے کو سمندر سے نکال لیا گیا ہے جب کہ باقیات کی تلاش جاری ہے۔