اسلام آباد: وفاقی حکومت نے پہلی بار سالانہ بجٹ میں صحافیوں کیلیے ہیلتھ انشورنس کی رقم مختص کر دی۔
وزیر اطلاعات و نشریات مریم اورنگزیب نے سماجی رابطے کی ویب سائٹ ٹوئٹر پر صحافیوں کیلیے ہیلتھ انشورنس کی رقم مختص ہونے کی خوشخبری سنائی۔
مریم اورنگزیب نے اپنے ٹوئٹ میں لکھا کہ پہلی بار بجٹ میں صحافیوں کیلیے ایک ارب روپے کی رقم بطور ہیلتھ انشورنس مختص کی گئی، وزیر اعظم شہباز شریف اور وزیر خزانہ اسحاق ڈار کا شکریہ ادا کرتی ہوں۔
انہوں نے لکھا کہ بحیثیت وزیر اطلاعات و نشریات یہ میرے مقاصد میں شامل تھا کہ میں صحافیوں کیلیے خاص طور پر اس مشکل وقت میں اس سہولت کا بندوبست کر سکوں۔
Delighted to announce that an allocation has been made in the budget for health insurance of working journalists for the first time ever. Rs 1 billion has been allocated in the budget for FY 2023-24. I am grateful to PM Shehbaz Sharif and FM Ishaq Dar for allocating funds for…
— Marriyum Aurangzeb (@Marriyum_A) June 9, 2023