لاہور: استحکام پاکستان پارٹی نے انتخابات میں بھرپور طریقے سے حصہ لینے کا فیصلہ کرلیا ہے۔
اے آر وائی نیوز کے مطابق استحکام پاکستان پارٹی کا اجلاس منعقد ہوا جس میں پیٹرن انچیف جہانگیر ترین نے ویڈیو لنک کے ذریعے شرکت کی۔
اجلاس میں استحکام پاکستان پارٹی کے صدر عبدالعلیم خان، عامر کیانی، عون چوہدری، فردوس عاشق اعوان، مراد راس، سعید اکبر نوانی، شعیب صدیقی، سعید الحسن شاہ، نعمان لنگڑیال، اجمل چیمہ ودیگر شریک تھے۔
استحکام پاکستان پارٹی کے اجلاس میں انتخابات میں حصہ لینے کا فیصلہ کیا گیا ہے جبکہ ضلعی سطح پر فوری تنظیم سازی شروع کرنے کا بھی فیصلہ کیا گیا ہے، صوبوں کی تنظیم سازی بھی جلد مکمل کی جائے گی۔
علیم خان نے کہا کہ ملکی مسائل دیکھتے ہوئے مستقبل کا لائحہ عمل مرتب کررہے ہیں، قوم کا ساتھ امید سے لے کر عمل تک دیں گے۔
انہوں نے مزید کہا کہ ملک میں سیاسی استحکام کے لیے کام کررہے ہیں۔