پاکستان میں ڈالر کی قلت، شہریوں کی بیرون ملک شاپنگ میں اضافہ

اسلام آباد: پاکستان میں امریکی ڈالرز کی قلت ہے اور ایسے میں شہریوں کی بیرون ملک شاپنگ میں اضافہ ہوگیا۔

کریڈٹ اور ڈیبٹ کارڈ کے ذریعے سالانہ 1 ارب ڈالر کی بیرون ملک ادائیگیوں کا انکشاف ہوا ہے۔ ای بی آر کے مطابق مالی سال کریڈٹ، ڈیبٹ اور پری پیڈ کارڈ پر 260 ارب مالیت کی ٹرانزیکشنز ہوئیں۔

اسٹیٹ بینک حکام کے مطابق پاکستان میں کریڈٹ اور ڈیبٹ کارڈ ہولڈر کی تعداد 4 کروڑ 90 لاکھ سے تجاوز کر گئی، ملک میں کریڈٹ کارڈ استعمال کرنے والوں کی تعداد 17 لاکھ سے زائد ہے۔

حکام نے بتایا کہ فائلرز اور نان فائلرز کو کریڈٹ، ڈیبٹ یا پری پیڈ کارڈ سے شاپنگ پر اضافی ٹیکس دینا ہوگا۔

نان فائلرز کیلیے ودہولڈنگ ٹیکس کی شرح 2 سے بڑھا کر 10 فیصد مقرر کر دی گئی جبکہ بیرون ملک ادائیگی پر فائلرز کیلیے شرح 1 سے بڑھا کر 5 فیصد کر دی گئی۔

سینیٹ کی قائمہ کمیٹی برائے خزانہ نے ٹیکس ریٹ میں اضافے کی منظوری دے دی۔