اسلام آباد : قومی کرکٹ ٹیم کے فاسٹ بولر حارث رؤف قومی اسمبلی کے ایوان میں پہنچ گئے جہاں اراکین اسمبلی نے ڈیسک بجا کر انھیں خوش آمدید کہا۔
اے آر وائی نیوز کے مطابق پاکستان کی قومی کرکٹ ٹیم کے فاسٹ بولر حارث رئوف نے قومی اسمبلی کا دورہ کیا جہاں انھوں نے مہمانوں کی گیلری میں وقت گزارا اور ایون کی کارروائی بھی دیکھی۔ حارث رئوف کی ایوان آمد پروہاں موجود ارکین اسمبلی نے خوشی کا اظہار کرتے ہوئے ڈیسک بجا کر انھیں خوش آمدید کہا۔
حارث رئوف نہ صرف اپنی تیز بولنگ کی وجہ سے جانے جاتے ہیں بلکہ ٹی ٹوئنٹی کے ڈیتھ اوورز کے بہترین بولرز میں ان کا شمار کیا جاتا ہے۔ قومی ٹیم کے ساتھ ساتھ وہ لاہور قلندرز کی نمائندگی بھی کرتے ہیں۔
واضح رہے کہ حارث رؤف پاکستان کرکٹ ٹیم کے کافی اہم بولر تصور کیے جاتے ہیں جن کا گزشتہ سال دسمبر میں اپنی کلاس فیلو مزنا سے نکاح ہوا تھا۔ لاہور قلندر کے پیسر کی بارات کی 6 جولائی کو بارات کے ساتھ اپنی دلہن کو لینے جائیں گے۔