طوفان بپرجوائے کے خلا سے مسحور کن نظارے کی تصاویر سامنے آگئیں ، یہ شاندار تصاویر متحدہ عرب امارات کے خلا باز سلطان النیادی نے ٹوئیٹ کیں۔
تفصیلات کے مطابق اماراتی خلانورد سلطان النیادی نے سماجی رابطے کی ویب سائٹ ٹوئٹر پر خلائی اسٹیشن سے طوفان بپرجوائے کے مسحور کن نظارے کی تصاویر شیئر کیں۔
شاندار تصاویر میں بحیرہ عرب کے اوپر بادل ہی بادل نظر آرہے ہیں اور زمین کے بیچوں بیچ بہت بڑا سفید بھنور نمایاں ہے۔
As promised in my previous video 📸 here are some pictures of the cyclone #Biparjoy forming in the Arabian Sea that I clicked over two days from the International Space Station 🌩️ pic.twitter.com/u7GjyfvmB9
— Sultan AlNeyadi (@Astro_Alneyadi) June 14, 2023
یاد رہے اس سے قبل متحدہ عرب امارات کے خلا باز سلطان النیادی نے انٹرنیشنل خلائی اسٹیشن سے سمندری طوفان بپر جوائے کی ویڈیو شیئر کی تھی۔
اماراتی خلا باز نے اپنی ٹوئٹ میں کہا کہ انہوں نے بحیرہ عرب میں سمندری طوفان کو کیمرے کی آنکھ میں محفوظ کیا ہے، آئی ایس ایس نے انہیں متعدد قدرتی مظاہر کا منفرد نظارہ کرنے کا موقع فراہم کیا جس سے زمین پر موسم پر نظر رکھنے والے ماہرین کو مدد مل سکے گی۔
یاد رہے النیادی بین الاقوامی خلائی اسٹیشن پرعرب ملک کےسب سےطویل خلائی مشن پر ہیں۔