نوجوان ایکسرسائز کرنے کے لیے جم جاتے ہیں یا پھر گھر میں ہی ایکسرسائز کرتے ہیں لیکن حیران کن طور پر ایک شخص نے ہائی وے کے سائن بورڈ پر پش اپس لگادیے۔
بھارتی ریاست اڑیسہ کے ضلع پٹناگھ شہر کے ہائی وے کے سائن بورڈ پر ایک نوجوان چڑھ گیا اور اس پر پش اپس لگانے شروع کردیے۔
ویڈیو میں دیکھا جاسکتا ہے کہ نوجوان سائن بورڈ پر پش اپس لگانے میں مصروف ہے اور سڑک پر ٹریفک بھی رواں دواں ہے۔
نوجوان کی پش اپس لگانے کی ویڈیو سوشل میڈیا پر تیزی سے وائرل ہوگئی اور اسے اب تک لاکھوں صارفین دیکھ چکے ہیں اور دلچسپ تبصرے بھی کررہے ہیں۔
ایک صارف نے لکھا کہ ’کیا اسے یہ بھی نہیں پتا کہ جم کہاں ہے؟‘
دوسرے صارف نے لکھا کہ ’اتوار کے روز جم بند ہوتے ہیں اس لیے اس کو ادھر ہی ایکسرسائز کرنے کا موقع مل گیا ہے۔‘
تیسرے صارف نے تبصرہ کیا کہ ’بھائی ویڈیو 3 بار دیکھنے کے بعد پتا چلا کی کوئی اوپر ہے۔‘