ہریانہ : بھارت میں حالیہ ہونے والی موسلادھار بارش کے باعث پیدا ہونے سیلاب میں ایک کار پانی کے ریلے میں بہہ گئی، گاڑی میں ایک خاتون سوار تھی۔
سوشل میڈیا پر وائرل ہونے والی ویڈیو میں دیکھا جاسکتا ہے کہ مقامی افراد نے اپنی جان خطرے میں ڈال کر خاتون کو مرنے سے بچا لیا۔
ہریانہ کے علاقہ پنچکولہ میں موسلادھار بارش کے دوران ایک ندی کے پاس کھڑی ایک کار پانی دوران بہہ گئی خاتون کار کے اندر تھی جب پانی کا تیز بہاؤ گاڑی کو بہا لے گیا، خاتون ڈرائیور گاڑی پر قابو نہ رکھ سکی۔
This is Khark Mangoli #Panchkula, where a lady's car was swept away by the sudden excessive water flow in the river, while parked nearby. Hats off to the people who came to their rescue. The lady along with her mother came to pay obeisance at a Temple.
A close call, it was !! pic.twitter.com/kSNpe2n0gF
— Ramandeep Singh Mann (@ramanmann1974) June 25, 2023
بھارتی میڈیا کے مطابق کار سوار خاتون کو مقامی لوگوں نے فوری کارروائی کرتے ہوئے بہت مشکل سے بچایا جو رسیوں کھ ذریعے بہتے ہوئے پانی میں اترے اور خاتون کو بچالیا جسے ہسپتال میں داخل کرادیا گیا ہے۔
واضح رہے کہ بھارت کے محکمہ موسمیات (ریجنل ویدر فورکاسٹنگ سینٹر) نے دہلی میں ہلکی بارش کی پیش گوئی کی ہے، جبکہ پنجاب اور ہریانہ میں اتوار کی صبح سے ہی بجلی اور گرج چمک کے ساتھ بارش کا سلسلہ جاری رہا۔