شوبز انڈسٹری کی معروف اداکارہ علیزے شاہ کاجل لگا کر مشکل میں پھنس گئیں۔
فوٹو اور ویڈیو شیئرنگ ایپ انسٹاگرام پر اداکارہ علیزے شاہ کی ویڈیو وائرل ہورہی ہے جس میں انہیں آنکھوں میں کاجل لگانے کے بعد مشکل میں دیکھا جاسکتا ہے۔
علیزے شاہ کہتی ہیں کہ ’میں نے کاجل لگا کر آج اپنی زندگی کی سب سے بڑی غلطی کرلی ہے اور میں جتنی بھی کوشش کرلوں اور یہ اتر نہیں رہا۔‘
ویڈیو میں انہیں آنکھوں سے کاجل صاف کرنے کی ناکام کوشش کرتے دیکھا جاسکتا ہے۔
علیزے شاہ کو مداحوں کی جانب سے کاجل صاف کرنے کے لیے مشورے بھی دیے جارہے ہیں جبکہ کچھ مداح تنقید کرتے ہوئے کہہ رہے ہیں کہ اداکاری کررہی ہے پورا دن میک اپ کرتی ہیں انہیں اتنا تو پتا ہی ہوگا کہ کاجل کیسے صاف کیا جاتا ہے۔
اداکارہ سوشل میڈیا پر کافی متحرک رہتی ہیں اور اکثر سوشل میڈیا پر اپنی تصاویر، ویڈیوز شیئر کرتی رہتی ہیں جسے ان کے مداح بھی پسند کرتے ہیں۔
اس سے قبل بھی علیزے نے تصاویر شیئر کی تھیں جو وائرل ہوگئی تھیں۔
واضح رہے کہ علیزے شاہ نے حال ہی میں ڈرامہ سیریل ’تقدیر‘ میں (رومی) کا مرکزی کردار نبھایا تھا۔ وہ ڈرامہ سیریل ’میرا دل میرا دشمن‘ سمیت متعدد ڈراموں میں اداکاری کے جوہر دکھا چکی ہیں۔