ARYNews.tv | Urdu – Har Lamha Bakhabar

نیا لُک، نئی شرارتیں، بابر اعظم کا نیا انداز سوشل میڈیا پر چھا گیا

Written by

ویب ڈیسک

in

,

فریضہ حج کی ادائیگی کے بعد قومی کرکٹ ٹیم کے کپتان بابر اعظم کا نیا انداز سوشل میڈیا پر چھا گیا پہلے سے زیادہ انرجی اور نئی شرارتوں پر مبنی ویڈیو وائرل ہوگئی۔

اے آر وائی نیوز کے مطابق قومی کرکٹ ٹیم کے کپتان بابر اعظم نے اپنی والدہ کے ہمراہ فریضہ حج کی ادائیگی کی سعادت حاصل کی۔ حج ادائیگی کے بعد ایک لازمی رکن حلق کرانا (سر کے بال منڈوانا) ہے۔ بابر اعظم کا یہ نیا لُک سوشل میڈیا پر چھا گیا ہے۔

 

خود بابر اعظم نے اپنے اس نئے انداز کی تصویر ٹوئٹر اکاؤنٹ پر شیئر کی ہے اور اس کے ساتھ ہی انہوں نے پرستاروں سے استفسار کیا کہ میرا نیا لُک کیسا لگ رہا ہے جس پر صارفین کی مثبت اور دعائیہ پیغامات سامنے آ رہے ہیں۔

 

اس کے ساتھ ہی کرکٹ گیان کے نام سے ٹوئٹر اکاوئنٹ ہولڈر کی جانب سے مختصر ویڈیو شیئر کی ہے جس میں بابر اعظم کیمرے میں دیکھتے ہوئے پرجوش انداز میں مسکراتے ہوئے پی کیپ اتار کر اپنا سر دکھاتے ہیں اور پھر پی کیپ پہن لیتے ہیں۔

 

قومی کپتان کی حج سے وطن واپسی پر گھر آمد پر ان کی انرجی اور شرارتوں سے بھرپور ویڈیو بھی سوشل میڈیا پر وائرل ہوکر دھوم مچا رہی ہے جس میں وہ گاڑی سے اتر کر دوڑ لگاتے ہوئے گھر میں جاتے ہیں اور وہاں استقبال کے لیے موجود اپنی بھتیجیوں سے گرمجوشی سے ملتے ہیں۔

More posts