انٹرنیشنل کرکٹ کونسل (آئی سی سی) نے ٹیسٹ کرکٹ کی نئی رینکنگ جاری کردی جس میں قومی ٹیم کے کپتان بابر اعظم بغیر کھیلے ہی ٹاپ فائیو سے باہر ہوگئے۔
لارڈز ٹیسٹ کے بعد آسٹریلیا اور انگلینڈ کے کھلاڑیوں کی رینکنگ میں نمایاں بہتری آئی ہے، اسٹیو اسمتھ چار درجے ترقی پاک دوسرے نمبر پر آگئے، جو روٹ پانچویں پوزیشن پر چلے گئے ہیں۔
نیوزی لینڈ کے کین ولیمسن نے پہلی پوزیشن پر قبضہ جمالیا۔
آئی سی سی کی ٹیسٹ رینکنگ میں بھارت کے روی چندرن ایشو ن بدستور پہلے نمبر پر موجود ہیں جب کہ آسٹریلیا کے کپتان پیٹ کمنز 2 درجے بہتری کے بعد دوسرے نمبر پر آگئے ہیں۔
اس رینکنگ میں جنوبی افریقا کے رابادا تیسرے نمبر پر موجود ہیں جب کہ انگلینڈ کے جیمز اینڈریسن 2 درجے تنزلی کے بعد دوسرے سے چوتھے نمبر پر چلے گئے ہیں، رینکنگ میں پانچواں نمبر انگلینڈ کے اولی رابنسن کا ہے۔
پاکستان کے شاہین آفریدی رینکنگ میں ایک درجے بہتری کے بعد چھٹے نمبر پر آگئے ہیں۔