ساؤتھ انڈین اداکارہ سمانتھا روتھ پروبھو دو جاری پراجیکٹس مکمل کرنے کے بعد اداکاری سے ایک سال کا وقفہ لیں گی۔
بھارتی میڈیا رپورٹس کے مطابق اداکارہ سمانتھا روتھ پربھو نے فلم ’سیٹاڈل‘ کی شوٹنگ مکمل کرنے کے بعد اسکرین سے ایک سال کے دور ہورہی ہیں، انہوں نے پروڈیوسرز کو پیشگی ادا کی گئی رقم بھی واپس کردی ہے۔
اداکارہ اس وقفے کیلئے بہت عرصے سے انتظار کر رہی تھیں، وہ اپنی صحت پر توجہ دیں گی اور امریکا میں ’مائیوسائٹس‘ (عضلات کی سوزش) کا علاج کروائیں گی۔
سمانتھا نے چند مہینے پہلے ہی اداکاری سے وقفہ لینے کا فیصلہ کرلیا تھا اور ان کا کہنا تھا کہ وہ اب نئے پروجیکٹس سائن نہیں کررہیں۔
واضح رہے کہ 2022 میں سمانتھا نے انکشاف کیا تھا کہ انہیں مائیوسائٹس ہے۔
وہ فلم ’کشی‘ کی عکسبندی کے دوران بیمار ہوئی تھیں لیکن پروجیکٹ سائن کرچکی تھیں اس لیے شوٹنگ مکمل کی مگر اس وقت بھی 6 ماہ کا وقفہ لیا تھا۔
36 سالہ سمانتھا پرابھو اگست میں امریکا روانہ ہوجائیں گی، یہ وقفہ تقریباً ایک برس کا ہوگا۔
اس بات کا بھی امکان ہے کہ وہ علاج کی غرض سے جنوبی کوریا بھی جائیں۔
یاد رہے کہ اداکارہ سمانتھا روتھ پربھو نے ساؤتھ انڈین اداکار ناگا چیتنیا سے 2017 میں شادی کی لیکن دونوں نے شادی کے چار سال بعد راہیں جدا کرلیں۔
انہوں نے ہدایت کار کرن جوہر کے پروگرام ’کافی ودھ کرن‘ میں گفتگو کرتے ہوئے کہا تھا کہ ’طلاق نے انہیں کافی مضبوط بنادیا ہے۔‘
سمانتھا پربھو نے 2010 میں فلم انڈسٹری میں بطور ہیروئن قدم رکھا، انہوں نے اس برس اپنے سابقہ شوہر ناگا چیتنیا کے ساتھ اداکاری کے جوہر دکھائے اور کئی ایوارڈز اپنے نام کیے۔