لندن : برطانیہ کے وزیراعظم رشی سنک نے ویزہ فیسوں میں اضافہ کا اعلان کردیا، فیصلے کا اطلاق ویزہ، ورک پرمٹ اور اسٹوڈنٹس ویزہ سمیت تمام اقسام کے ویزوں پر ہوگا۔
تفصیلات کے مطابق برطانیہ آنے والے غیرملکیوں کے حوالے سے برطانوی حکومت نے اہم فیصلہ کیا ویزے کی فیسوں میں اچانک 20 فیصد اضافہ کردیا گیا۔
غیر ملکی خبر رساں ادارے کی رپورٹ کے مطابق برطانوی وزیر اعظم رشی سونک کا کہنا ہے کہ فیسوں کا اطلاق وزٹ ویزہ، ورک پرمٹ اور اسٹوڈنٹس ویزہ سمیت تمام اقسام کے ویزوں پر ہوگا۔
انہوں نے امیگرینٹس کیلئے ہیلتھ سرچارج میں بھی اضافے کا اعلان کیا جبکہ ہیلتھ سرچارج کی رقم 624پاؤنڈ سے بڑھا کر 1 ہزار 35 پاؤنڈز سالانہ کردی گئی ہے۔
برطانوی وزیر اعظم رشی سونک کا کہنا ہے کہ طلباء اور بچوں کیلئے رعایتی ہیلتھ سرچارج 776 پاؤنڈز سالانہ ہوں گے، ویزا فیس سرکاری ملازمین کی تنخواہوں میں اضافے کیلئے استعمال ہوگی۔