پنجاب حکومت کا سائبر ٹیررازم اور ٹیرر فنانسنگ کیخلاف سخت ایکشن کا فیصلہ

لاہور : پنجاب حکومت نے سائبرٹیررازم اور ٹیررفنانسنگ کیخلاف سخت ایکشن کا فیصلہ کرلیا، اس حوالے سے سیکیورٹی اداروں نے رپورٹ وزیراعلیٰ کو پیش کردی ہے۔

تفصیلات کے مطابق بلوچستان اوردیگر صوبوں میں دہشت گردی کے واقعات کے پیشن ںظر پنجاب حکومت نے سائبرٹیررازم اور ٹیررفنانسنگ کیخلاف سخت ایکشن کا فیصلہ کرلیا۔

،پولیس کا کہنا ہے کہ سائبرپٹرولنگ بڑھا کر شرپسندوں کی میپنگ شروع کردی گئی ہے اور رواں سال کالعدم تنظیموں کے184 تھریٹ الرٹس پر کارروائیاں تیز کردیں۔

سائبرٹیررازم اور فنانسنگ پرسیکیورٹی اداروں نےرپورٹ وزیراعلیٰ کو پیش کردی ہے، جس میں بتایا گی ہے کہ 1 لاکھ 36ہزار 500 پیجز، سائٹس کی نشاندہی پرپی ٹی اےکو رپورٹ دی، 84 ہزار 447سائٹس اور پیجز جو بلاک کروادیا گیا۔

سائبرٹیررازم میں ملوث افراد کیخلاف 118 مقدمات درج ہے جبکہ 126 شرپسندوں کو ٹریک کرکے گرفتار کرلیا گیا، اس کے علاوہ ٹیرر فنانسنگ کے 468 مقدمات درج ہے اور 735 افراد کو گرفتار کیا گیا۔