گال ٹیسٹ تیسرے روز کا کھیل ختم ہوگیا، سری لنکا نے دوسری اننگز میں بغیر کسی نقصان کے 14 رنز بنالیے۔
گال ٹیسٹ کے تیسرے روز کھیل کے اختتام پر سری لنکا نے دوسری اننگز میں پاکستان کے 461 رنز کے جواب میں بغیر کسی نقصان کے 14 رنز بنالیے ہیں، میزبان ٹیم کو پاکستان کی برتری ختم کرنے کے لیے مزید 135 رنز درکار ہیں۔
نشان مدھوشکا 8 اور دیموتھ کرونا رتنے 6 رنز کے ساتھ کریز پر موجود ہیں۔
The day belongs to @saudshak, who brought up a magnificent double 💯 👏
Pakistan have the advantage heading to Day Four with an impressive first-innings lead 🏏#SLvPAK pic.twitter.com/PsKnzrizvG
— Pakistan Cricket (@TheRealPCB) July 18, 2023
اس سے قبل پاکستان نے پہلی اننگز میں سعود شکیل کے شاندار ڈبل سنچری کی بدولت 461 رنز بنائے تھے اور قومی ٹیم نے سری لنکا کے خلاف 149 رنز کی برتری حاصل کی تھی۔
سعود شکیل نے 208 رنز کی ناٹ آؤٹ اننگز کھیلی وہ سری لنکا میں ڈبل سنچری اسکور کرنے پر پہلے پاکستانی بیٹر بن گئے، ان کی شاندار اننگز میں 19 چوکے شامل تھے۔
101 رنز پر پانچ وکٹیں گرنے کے بعد پاکستان نے شاندار کم بیک کیا، آغا سلمان 81 رنز بنا کر نمایاں رہے جبکہ سعود شکیل اور آغا سلمان کے درمیان چھٹی وکٹ پر 177 رنز کی شراکت بنی۔
کپتان بابر اعظم 13 رنز بنا کر آؤٹ ہوئے، شان مسعود 39 رنز پر پویلین لوٹ گئے جبکہ وکٹ کیپر بیٹر سرفراز احمد 17 رنز پر جے سوریا کا نشانہ بنے۔
سری لنکا کی جانب سے رمیش مینڈس نے پانچ اور جے سوریا نے تین کھلاڑیوں کو پویلین کی راہ دکھائی۔
.@saudshak tumbles records in Galle 👏
A dream start to his career as he has amassed 788 runs at an average of 98.5 🌟#SLvPAK pic.twitter.com/De1S1AFpWT
— Pakistan Cricket (@TheRealPCB) July 18, 2023
واضح رہے کہ اس سے قبل سری لنکا کی ٹیم اپنی پہلی اننگز میں 312 رنز بنا کر آؤٹ ہوئی تھی، دھننجیا ڈی سلوا نے 122 رنز کی اننگز کھیلی جبکہ اینجلو میتھیوز 64 رنز کے ساتھ نمایاں رہے تھے۔
پاکستان کی جانب سے شاہین آفریدی، نسیم شاہ اور ابرار احمد نے تین، تین وکٹیں حاصل کی تھیں۔