اعظم خان کے انکشافات کی کنتی اہمیت ؟ قانون دان کیا کہتے ہیں؟

اسلام آباد : قانون دان جہانگیر جدون کا کہنا ہے کہ اصل بات یہ ہے کہ اعظم خان نے کس کے سامنے بیان دیا ہے، میرے خیال ہےوہ اپنے آپ کو بچانے کیلئے یہ سب کررہےہیں۔

تفصیلات کے مطابق قانون دان جہانگیر جدون نے سابق وزیراعظم کے پرنسپل سیکریٹری اعظم خان کے انکشافات پر اے آر وائی نیوز سے خصوصی گفتگو کرتے ہوئے کہا کہ میراخیال ہے اعظم خان اپنے آپ کو بچانے کیلئے یہ سب کررہےہیں۔

جہانگیر جدون کا کہنا تھا اعظم خان پہلے مشورہ کرلیتے کہ 164 کی قانونی اہمیت کیا ہے، کسی کیخلاف کوئی کیس بنانا ہے تو اس کا طریقہ کار ہوتاہے، کیس بنانے کیلئے ٹھوس شواہد کی ضرورت ہوتی ہے۔

قانون دان نے کہا کہ اصل بات یہ ہے کہ اعظم خان نے کس کے سامنے بیان دیاہے، اعظم خان نے 164کا بیان ریکارڈ کرانا ہے تو اس کاطریقہ کار اور بڑی اہمیت ہوتی ہے۔