پاک افغان سیریز کہاں کھیلی جائے گی؟

پاکستان اور افغانستان کے درمیان تین ون ڈے میچوں کی سیریز سری لنکا میں کھیلی جائے گی۔

ڈیلی مرر، سری لنکا کی رپورٹ کے مطابق سری لنکا 2023 ایشیا کپ سے قبل اگست میں پاکستان کے خلاف افغانستان کی تین میچوں کی ون ڈے ہوم سیریز کی میزبانی کے لیے پوری طرح تیار ہے۔

سری لنکا کرکٹ (SLC) سے رابطہ کیا گیا تھا اور تین ون ڈے میچوں کو ایک ہی مقام پر کھیلنے کی اجازت پر رضامندی ظاہر کی گئی ہے۔

کابل میں مقیم افغانستان کرکٹ بورڈ (ACB) کے باخبر ذرائع نے ڈیلی مرر کو بتایا چونکہ افغانستان کے پاس کوئی اسٹیڈیم نہیں ہے، اس لیے سری لنکا میں کھیلنا ایشیا کپ اور اس کے بعد ہونے والے ورلڈ کپ کے لیے اچھی تیاری ہو گی۔

https://urdu.arynews.tv/afghanistan-confirm-three-match-odi-series-against-pakistan-in-august/

ذرائع نے مزید کہا کہ ہم ان میچوں کی میزبانی متحدہ عرب امارات یا قطر میں کرنے کے خواہاں تھے لیکن وہاں کی آب و ہوا کی شدید گرمی کو دیکھتے ہوئے یہ ممکن نہیں تھا۔

اس سال کے شروع میں مارچ میں پڑوسی ممالک نے شارجہ میں تین میچوں کی T20I سیریز بھی کھیلی تھی، جسے افغانستان نے 2-1 کے فرق سے جیتا تھا۔