امریکی ریاست لوزیانا کے سمندر میں نایاب گلابی ڈولفن کی تیراکی کرنے کی ویڈیو سوشل میڈیا پر وائرل ہوگئی۔
غیرملکی خبررساں ادارے کی رپورٹ کے مطابق نایاب گلابی ڈولفن کی ویڈیو تھرمن گوسٹن نامی شہری نے بنائی جو 20 سال سے زائد عرصے سے مچھلیاں پکڑ رہے ہیں۔
گوسٹن نے گزشتہ دنوں خلیج میکسیکو کے قریب کیمروب پیرش میں ایک نہیں بلکہ دو گلابی ڈولفن دیکھیں اور اس کی ویڈیو فیس بک پر شیئر کی جو وائرل ہوگئی۔
چند سیکنڈ کی ویڈیو میں نایاب گلابی ڈولفن کو تیراکی کرتے دیکھا جاسکتا ہے۔
Rare pink dolphin spotted in the Gulf of Mexico off the coast of Louisiana. So beautiful. #MarineLife #wildlife
🎥 by Thurman Gustin pic.twitter.com/ZQXw98AWRq
— Brad Bo 🇺🇸 (@BradBeauregardJ) July 19, 2023
گوسٹن نے کہا کہ ڈولفن دیکھنے کا عادی ہوں لیکن اس نایاب گلابی ڈولفن کو دیکھ کر حیران رہ گیا۔
امریکی شہری نے کہا کہ میں اکثر مچھلی پکڑنے جاتا ہوں لیکن اس سال لوزیانا کا یہ میرا تیسرا سفر تھا میں بہت خوش قسمت رہا کہ گلابی ڈولفن دیکھی اور اس کی ویڈیو بنالی۔
گوسٹن کا کہنا تھا کہ بہت لوگ ایسے بھی ہیں جنہوں نے اپنی پوری زندگی یہاں گزاری ہے لیکن وہ یہ نظارہ نہیں دیکھ سکے۔
انہوں نے اس تجربے کو ناقابل فراموش قرار دیا۔