جناح ہاؤس حملہ کیس: چیئرمین پی ٹی آئی کی گرفتاری اور موبائل فون درکار

لاہور : اسپیشل پراسیکیوٹر فرہاد شاہ کا کہنا ہے کہ جناح ہاؤس حملہ کیس میں چیئرمین پی ٹی آئی کی گرفتاری اورموبائل فون درکار ہے اس کیس میں ان کو بڑی سزاہوسکتی ہے۔

تفصیلات کے مطابق اسپیشل پراسیکیوٹر فرہاد شاہ نے میڈیا سے گفتگو کرتے ہوئے کہا کہ جناح ہاؤس جلاؤ گھیراؤمقدمےمیں چیئرمین پی ٹی آئی کوجےآئی ٹی نےقصور وار قرار دیاہے، چیئرمین پی ٹی آئی کی عبوری ضمانت منسوخی کی حد تک تفتیش مکمل کرلی گئی ہے۔

،اسپیشل پراسیکیوٹر کا کہنا تھا کہ جدید آلات کااستعمال کرکے تفتیش آگے بڑھائی گئی،فرانزک کی رپورٹ بھی موجود ہے، مزید تفتیش کیلئے چیئرمین پی ٹی آئی کی گرفتاری اورموبائل فون درکار ہیں۔

فرہاد شاہ نے بتایا کہ تفتیش کیلئےگرفتاری کےبعدفوٹوگرامیٹک اور آڈیوسونیک ٹیسٹ کرائےجائیں گے، عدالت سے درخواست ہوگی کہ 8اگست کو چیئرمین پی ٹی آئی کی ضمانت خارج ہو.

ان کا کہنا تھا کہ گرفتاری ہوجاتی ہے تو چیئرمین پی ٹی آئی کا جسمانی ریمانڈ لیا جائے گا، اس کیس میں چیئرمین پی ٹی آئی کو بڑی سزاہوسکتی ہے،