بھارتی ٹیم کے مایہ ناز بیٹر ویرات کوہلی نے ویسٹ انڈیز کے خلاف میچ میں ٹیسٹ کرکٹ کی 29ویں اور انٹرنیشنل کرکٹ کی 76ویں سنچری بنا ڈالی۔
پورٹ آف اسپین میں جاری دوسرے ٹیسٹ میچ کے دوسرے سیشن میں بھارت نے پہلی اننگز میں 4 وکٹوں کے نقصان پر 337 رنز بنالیے ہیں۔
ویرات کوہلی نے ویسٹ انڈیز کے خلاف شاندار سنچری اسکور کی، وہ 119 رنز کے ساتھ وکٹ پر موجود ہیں۔ کوہلی نے ٹیسٹ کرکٹ کی 29ویں سنچری اسکور کی ہے جبکہ انٹرنیشنل کرکٹ میں یہ ان کی 76ویں سنچری ہے۔
INTERNATIONAL HUNDRED NO. 76 FOR VIRAT KOHLI 💯 🐐 https://t.co/L6A8CVkX82 | #WIvIND pic.twitter.com/khEOAkEMJp
— ESPNcricinfo (@ESPNcricinfo) July 21, 2023
واضح رہے کہ بھارت کی جانب سے ٹیسٹ کرکٹ میں سب سے زیادہ 51 سنچریاں سچن ٹنڈولکر کی ہیں، راہول ڈریوڈ 36 سنچریوں کے ساتھ دوسرے نمبر پر موجود ہیں جبکہ سنیل گواسکر نے 34 سنچریاں اسکور کی ہیں۔
ویرات کوہلی 29 سنچریوں کے ساتھ چوتھے نمبر پر موجود ہیں، وریندر سہواگ نے 23 اور محمد اظہر الدین نے 22 سنچریاں بنا رکھی ہیں۔
Virat Kohli is climbing up the list 💯 pic.twitter.com/8YKHH2fuow
— ESPNcricinfo (@ESPNcricinfo) July 21, 2023
یاد رہے کہ بھارت کو ویسٹ انڈیز کے خلاف ٹیسٹ سیریز میں 1-0 کی برتری حاصل ہے۔