فیس بک پر دوستی، بھارت کی انجو دیر بالا پہنچ گئی

دیر بالا: فیس بک پر دوستی کے بعد بھارت کی لڑکی انجو نوجوان نصر اللہ سے ملنے دیر بالا پہنچ گئی۔

اے آر وائی نیوز کے مطابق دیر بالا کے رہائشی 29 سالہ نصر اللہ میڈیکل کے شعبے سے وابستہ ہیں ان کی چند ماہ قبل بھارتی ریاست اترپردیش سے تعلق رکھنے والی لڑکی انجو سے فیس بک پر دوستی ہوئی تھی۔

انجو نصر اللہ سے ملنے کے لیے دیربالا پہنچی ہیں جبکہ بتایا گیا ہے کہ انجو شادی شدہ ہے۔

پولیس کا کہنا ہے کہ انجو ایک ماہ کے وزٹ ویزے پر بھارت سے دیر بالا پہنچی ہے اور اس کی خواہش ہے کہ وہ کچھ روز پاکستان میں گزارے۔

مقامی پولیس کا کہنا ہے کہ انجو پہلے سے شادی ہے اور اس کا نصر اللہ سے شادی کرنے کا ارادہ نہیں ہے۔

پولیس کا یہ بھی بتانا ہے کہ انجو بطور مہمان پاکستان پہنچی ہے اور نصر اللہ کے گھر پر رہائش پذیر ہے۔