سعودی عرب کے دارالحکومت ریاض میں شہری اس وقت خوفزدہ ہوگئے جب انہوں نے فضا میں دو طیاروں کو خطرناک حد تک قریب دیکھا۔
گزشتہ دنوں سعودی عرب کے دارالحکومت ریاض میں شاہ خالد انٹرنیشنل ایئرپورٹ پر لینڈنگ سے قبل دو طیارے فضا میں خطرناک حد تک انتہائی قریب آگئے جس نے بھی یہ منظر دیکھا اس کے خوف کے مارے رونگٹے کھڑے ہو گئے۔
عرب میڈٖیا کے مطابق ان میں ایک طیارہ سعودی عریبین ایئرلائنز بی 777 -300 ساخت کا طیارہ تھا جس کو کیپٹن ممدوح بخاری اڑا رہے تھے۔
دوسرا طیارہ فلائی ناس کا اے 320 این ای او ساخت کا طیارہ کیپٹن فہد الیحیی اڑا رہے تھے۔ تاہم خوش قسمتی سے دونوں طیارے کسی تصادم کے بغیر ایئر پورٹ پر لینڈ کر گئے۔
سعودی محکمہ ہوابازی نے ٹوئٹر پر بیان میں کہا کہ دونوں طیارے ایک دوسرے سے صرف 60 میٹر فاصلے پر تھے۔
سوشل میڈیا پر وائرل ہونے کے بعد سوشل میڈیا صارفین کا کہنا ہے کہ اس قسم کی پرخطر صورتحال کی اجازت دینا غلط ہے۔ یہ بات مدنظر رکھنی چاہیے کہ طیارے سے نکلنے والا کرنٹ دوسرے طیارے کو نقصان پہنچا سکتا ہے۔
مشهد لتقارب طائرتين بسماء الرياض 😍🇸🇦.
pic.twitter.com/waiHQBQKE0— Gorgeous (@gorgeous4ew) July 23, 2023
دوسری جانب شہری ہوا بازی کے ماہر پائلٹ عبداللہ الغامدی نے طویق پہاڑ کے اوپر دونوں طیاروں کے درمیان محدود فاصلے کی وڈیو پر تبصرہ کرتے ہوئے کہا کہ طیاروں کے درمیان 500 فٹ سے زیادہ کا فاصلہ طیاروں کی سلامتی کےلیے ضروری ہے تاہم پائلٹ، اتھارٹی کی اجازت کے بغیر ایسا پُر خطر کام نہیں کرسکتے۔