بھارت کی ریاست مدھیہ پردیش میں پٹواری رشوت کی رقم وصول کرتا ہوا رنگے ہاتھوں پکڑا گیا جس کی ویڈیو سوشل میڈیا پر وائرل ہوگئی۔
میڈیا رپورٹس کے مطابق ملزم کی شناخت گجیندر سنگھ کے نام سے ہوئی جس نے محکمہ ریونیو میں ایک شکایت کنندہ چنن سنگھ سے زمین کے ایک معاملے پر 5 ہزار روپے رشوت وصول کی۔
چنن سنگھ نے اعلیٰ حکام سے اس بارے میں شکایت کی تو قانون نافذ کرنے والے ادارے کی ٹیم جال بچھا کر گجیندر سنگھ کے دفتر پہنچی۔
ٹیم نے ملزم کو ایک اور شکایت کنندہ سے رشوت کی رقم وصول کرتے ہوئے رنگے ہاتھوں پکڑ لیا۔ اس پر گجیندر سنگھ نے رقم منہ میں ڈال کر چبائی اور پھر نگل لی۔
A patwari of the revenue department in MP swallowed an amount he took as bribe after being caught red handed by Lokayakut’s special police establishment.
remember ‘ ना खाऊँगा ना खाने दूँगा’ 😂 pic.twitter.com/9R0R9jATEv— MrsG (@Marvellous_MrsG) July 25, 2023
ملزم کو فوری طور پر قریبی اسپتال منتقل کیا گیا اور اس کے پیٹ سے نوٹوں کے ٹکڑے نکالے گئے۔ گجیندر سنگھ کے خلاف مقدمہ درج کرنے کے بعد معاملے کی مزید تحقیقات شروع کر دی گئی۔
مذکورہ واقعے کی ویڈیو سوشل میڈیا پر خوب وائرل ہو رہی ہے۔ ہر کوئی گجیندر سنگھ کی حرکت پر حیران ہے۔