ایک اور میگا کرپشن اسکینڈل بےنقاب

ایک ارب روپے کا میگا کرپشن اسکینڈل بےنقاب ہو گیا۔ اینٹی کرپشن نے ایم سی ایل افسران کیخلاف کرپشن اسکینڈل پر مقدمہ درج کر لیا۔

مویشی منڈیوں کے کیس میں 1 ارب10کروڑ سے زائدکرپشن کے شواہد پر مقدمہ درج کیا گیا ہے۔ افسران نے ٹھیکیداروں سے مل کر2021 میں مویشی منڈیوں پر 52کروڑ خرچ کیے۔

ترجمان اینٹی کرپشن پنجاب کے مطابق سال 2022 میں مویشی منڈیاں لگانےکا خرچہ ایک ارب 76 کروڑ ظاہر کیا گیا اور مویشی منڈیاں لگانے کے لیے جعلی بل بنا کر کروڑوں روپےکی کرپشن کی گئی۔

ایم سی ایل ملازمین نے ٹھکیداروں سے مل کر جعلی ریکارڈ اور بل بناکر ادائیگیاں کیں۔ ایم سی ایل کے ملازمین ندیم طاہر، سدرہ ظفر، قیصرحنیف و دیگر کیخلاف مقدمہ درج کیا گیا ہے۔ کلرکس فیصل، یوسف سندھو، محمد زبیر نامزد ہیں جب کہ ٹھیکیداروں ملک راشد، ارشد، زوہیب، تنویر، شہباز، ذیشان کیخلاف بھی مقدمہ درج کیا گیا ہے۔

ترجمان کا کہنا ہے کہ مقدمہ اینٹی کرپشن لاہور ریجن اے میں بعد ازانکوائری درج کیا گیا۔ کرپٹ عناصر کے خلاف کارروائیاں جاری رہیں گی۔