اسلام آباد: وفاقی حکومت نے حاجیوں کو مجموعی طور پر 4.5 ارب روپے واپس کرنے کے بعد مزید 12 ارب روپے واپس کرنے کا فیصلہ کرلیا۔
وفاقی وزیر برائے مذہبی امور طلحہ محمود نے نیوز کانفرنس کرتے ہوئے بتایا کہ آئندہ حج کیلیے ابھی سے وزارت خزانہ کو فارن ایکسچینج کا انتظام کرنا ہوگا، آئندہ حج کیلیے تربیت کے مواقع بہتر بنائیں گے۔
طلحہ محمود نے کہا کہ سعودی عرب کی حکومت نے دو پاکستان ہاؤسز ہم سے لے لیے ہیں، حج میں اگر کوئی غلطی ہو تو معذرت خواہ ہوں۔
انہوں نے بتایا کہ پہلے ہر حاجی ہو 55 ہزار روپے واپس کیے، اب حجاج کو مزید 97 ہزار روپے واپس کرنے جا رہے ہیں، جو 18 ہزار حجاج مدینہ میں دور رہے ہیں انہیں 14 ہزار روپے واپس کریں گے۔
ان کا کہنا تھا کہ ٹرین استعمال نہ کرنے والے حاجیوں کو 21 ہزار روپے واپس کریں گے، حاجیوں کو پہلے مجموعی طور پر 4.5 ارب واپس کیے تھے اب حاجیوں کو مزید 12 ارب روپے واپس کریں گے۔