ریاض : کھجور سعودی عرب کی معروف اور منفرد سوغات ہے جو اپنے بہترین ذائقے اور طبی افادیت کے پیش نظر دنیا بھر میں اپنا علیحدہ مقام رکھتی ہیں۔
سعودی عرب کی منتخب شدہ کھجوروں کی 200 سے زیادہ اقسام ہیں جو اپنے منفرد ذائقوں، ساخت، رنگوں اور مٹھاس کی وجہ سے درجہ بہ درجہ مقبول ہیں۔
اس حوالے سے العربیہ چینل نے سعودی عرب کے علاقے القصیم کی کھجوروں سے متعلق ایک رپورٹ جاری کی ہے۔
رپورٹ میں بتایا گیا ہے کہ القصیم میں کاشت کی جانے والی کھجوریں اپنے معیار کے اعتبار سے منفرد خصوصیات کی حامل ہیں اور بیرون ملک بالخصوص یورپی ممالک کو برآمد کی جاتی ہیں۔
تمور #القصيم تغزو الأسواق الأوربية.. ومختص في تسويق التمور يكشف أبرز الأنواع والأصناف التي يتم تصديرها
عبر:
@al3mri009 pic.twitter.com/t7GSoxcuHo— العربية السعودية (@AlArabiya_KSA) July 29, 2023
بیرون ملک کھجوروں کی مارکیٹنگ میں مہارت رکھنے والے یوسف الدخیل نے کہا کہ القصیم کھجوریں پہلے ہی یورپی مارکیٹ پر چھائی ہوئی ہیں اور اسپین کے علاوہ ناروے اور سویڈن جیسے نئے ممالک میں داخل ہونے کی کوشش کی جا رہی ہے۔
انہوں نے نشاندہی کی کہ برآمدات کی شرح میں اضافے کی شرح 20 فیصد تک پہنچ جاتی ہے، کیونکہ دنیا بھر کے ممالک کو مملکت کی کھجور کی برآمدات تین لاکھ 20 ہزار ٹن سالانہ ہوتی ہیں۔
انہوں نے زور دے کر کہا کہ یورپ کو دو قسم کی کھجوریں الخلاص اور السکری برآمد کی جاتی ہیں جو یورپی منڈیوں میں مملکت کی کل برآمدات کا تقریباً 50 فیصد ہیں۔