امریکا میں خاتون نے چہرے کی سرجری کروانے کے لیے اپنا گھر ہی بیچ ڈالا۔
غیرملکی خبررساں ادارے کی رپورٹ کے مطابق امریکی ریاست کیلی فورنیا میں 50 سالہ کیلی بیسلے نامی خاتون نے چہرے کی پلاسٹک سرجری کروانے کے لیے اپنا گھر 14 ہزار ڈالرز میں فروخت کردیا۔
کیلی کے مطابق وہ 20 کی دہائی سے اپنے چہرے کی خوبصورتی میں اضافہ کرنے کے لیے بوٹوکس اور پچھلے 15 سالوں سے فلرز کا سہارا لے رہی ہیں، لیکن اب ان کے پاس سرجری کروانے کے پیسے نہیں تھے جس کے بعد انہوں نے گھر فروخت کرنے کا فیصلہ کیا۔
اُنہوں نے میکسیکو میں اپنے چہرے، ہونٹوں، گردن کی کاسمیٹک سرجری اور اور رانوں سے اضافی چربی کو نکلوانے کے لیے بھی سرجری کا انتخاب کیا۔
چہرے کی کاسمیٹک سرجری کے لیے مجموعی طور پر 14,000ڈالرز کی لاگت آئی اور اس کے لیے کیلی بیسلے کو بڑی قربانی بھی دینی پڑی، اب گھر بیچنے کے بعد وہ سارا وقت ایک وین میں گزارتی ہیں۔
خاتون کا کہنا ہے کہ انہیں گھر بیچنے پر کوئی پچھتاوا نہیں ہے کیونکہ وہ اب پہلی کی طرح دکھائی دے رہی ہیں۔